Entre xaneiro e xuño, persoal da Axencia de Protección da Legalidade Urbanística realizará actividades lúdicas e pedagóxicas gratuítas nun total de 26 centros
A iniciativa enmárcase no Proxecto Terra, impulsado pola Consellería de Medio Ambiente, Territorio e Vivenda e o Colexio de Arquitectos de Galicia no ano 2000 para sensibilizar aos escolares sobre os espazos onde viven e a súa contorna
Santiago de Compostela, 11 de febreiro de 2023.- A Xunta de Galicia xa comezou coas visitas informativas para concienciar á comunidade educativa sobre a protección da contorna por medio da actividade divulgativa Eu son inspect@r urbanístic@. Coida do territorio. Coida do teu, posta en marcha por primeira vez no curso 2019-2020.
Ata o vindeiro mes de xuño, persoal da Axencia de Protección da Legalidade Urbanística (APLU) —concretamente, inspectores e subinspectores que desempeñan o seu labor en toda Galicia— continuará realizando obradoiros gratuítos nun total de 26 colexios das catro provincias. Deste xeito, o alumnado participante traballará de forma creativa analizando os elementos que compoñen a contorna paisaxística e afondando en conceptos como o patrimonio natural e construído, o medio ambiente, o cambio climático ou a pegada ecolóxica
As primeiras visitas xa se levaron a cabo durante o mes de xaneiro, concretamente, no IES Plurilingüe de Ames e no CEIP Rosalía de Castro, en Lugo, e continuarán desenvolvéndose ata xuño, estando programados para a segunda metade de febreiro obradoiros no IES de Ponte Caldelas, IES A Pinguela, en Monforte de Lemos, e o CEIP Fermín Bouza Brey, en Ponteareas.
O obxectivo do proxecto é que as novas xeracións interioricen e aprendan a realizar un uso sustentable, ordenado e responsable do territorio, entendendo este como un ben de toda a sociedade. Con este fin, en cada visita dous inspectores da APLU desenvolverán sesións adaptadas aos niveis e idades do alumnado de infantil, primaria e secundaria a través de obras teatrais para os máis cativos, traballo en equipo, xogos interactivos e sesións nas que se debaterá sobre como coidar do territorio.
Esta terceira edición da campaña caracterízase polo gran interese dos centros en participar xa que, aínda que se ampliou o número de prazas dispoñibles con respecto aos anos anteriores, pechouse con rapidez a fase de inscricións e varios colexios permanecen na lista de agarda.
Cómpre lembrar que Eu son inspect@r urbanístic@ é unha actividade enmarcada no Proxecto Terra, unha iniciativa de cooperación co mundo educativo impulsada no ano 2000 pola Consellería de Medio Ambiente, Territorio e Vivenda e o Colexio de Arquitectos de Galicia para sensibilizar e dar a coñecer entre os escolares aspectos relacionados coa arquitectura, o territorio e os espazos que os rodean desde unha perspectiva pedagóxica.
Nos seus máis de 20 anos de funcionamento converteuse nunha iniciativa afianzada e moi coñecida, con contidos útiles, actividades de interese e experiencias formativas para todas as etapas educativas ás que se dirixe.
A continuación, achegamos un cadro coa relación dos 26 centros participantes.
IES Plurilingüe de Ames
A Coruña
EEI dos Ánxeles
IES Camilo José Cela
CRA de Dodro
Imo - Dodro
CEIP O Areal
IES Virxe do Mar
IES Félix Muriel
CPR Jorge Juan
CEIP López Ferreiro
Santiago de Compostela
CEIP Joaquín Rodríguez Otero
Malpica de Bergantiños
CEIP Rosalía de Castro
IES A Pinguela
Monforte de Lemos
IES Poeta Díaz Castro
EEI San Roque
CEIP Plurilingüe Concepción López Rey
O Cádavo (baleira)
CEIP Plurilingüe Virxe da Luz
CEIP de Baños de Molgas
Baños de Molgas
CEIP Mosteiro Bembrive
CEIP Plurilingüe Infante Felipe de Borbón
Salvaterra de Miño
IES de Ponte Caldelas
Ponte Caldelas
CEIP Ramón de Valenzuela
CEIP da Cruz
CEIP Plurilingüe San Clemente de César
Caldas de Reis
EEI Taboexa
As Neves
CEIP Plurilingüe de Caldelas
Caldelas de Tui
CEIP Fermín Bouza Brey